দুদিনীয়া কাৰ্যসূচীৰে বুধবাৰৰ পৰা আৰম্ভ হৈছে চৰাইদেউ জিলা বিজেপি মহিলা মৰ্চাৰ জিলা কাৰ্যনিৰ্বাহক সভা। ইয়াৰ পৰিপ্ৰেক্ষিতত বুধবাৰে সন্ধিয়া জিলা বিজেপিৰ কাৰ্যালয়ত অনুষ্ঠিত হয় বিষয়ববীয়া সভা। এই সভাত যোৰহাট লোকসভা সমষ্টিৰ সাংসদ তপন কুমাৰ গগৈ, মন্ত্ৰী যোগেন মহন, সোণাৰি সমষ্টিৰ বিধায়ক ধৰ্মেশ্বৰ কোঁৱৰ, জিলা বিজেপিৰ সভাপতি লক্ষ্মীনাথ তাছা উপস্থিত থাকি আগন্তুক দিনত দলৰ ভেটি সুদৃঢ় কৰা সন্দৰ্ভত ভাষণ প্ৰদান কৰে। আনহাতে চৰকাৰে মহিলা সৱলীকৰণৰ ক্ষেত্ৰত গ্ৰহণ কৰা আঁচনি ৰূপায়ন তথা আঁচনি সমূহ ৰাইজৰ মাজত লৈ যোৱাৰ বাবে বিভিন্ন পন্থা গ্ৰহন কৰা সন্দৰ্ভতো আলোচনা কৰা হয় সভাখনত। চৰাইদেউ জিলা বিজেপি মহিলা মৰ্চাৰ সভানেত্ৰী প্ৰণীতা পাংগিঙৰ সভাপতিত্বত অনুষ্ঠিত হোৱা সভাখনত জিলা মহিলা মৰ্চাৰ প্ৰভাৰী মধুমিতা মহন, ৰাজ্যিক মহিলা মৰ্চাৰ সাংস্কৃতিক কোষৰ আহ্বায়ক প্ৰিয়ংকা কলিতাৰ লগতে দলীয় বিষয়ববীয়া সকল উপস্থিত থাকে।