আঞ্চলিক ৰাজনৈতিক দল অসম জাতীয় পৰিষদ আৰু দলটোৰ ভাতৃ সংগঠন অসম জাতীয় যুৱ শক্তিৰ চৰাইদেউ জিলা সমিতিৰ প্ৰথম দ্বি-বাৰ্ষিক অধিৱেশনখন অহা ২৫ ছেপ্টেম্বৰত এদিনীয়া কাৰ্যসূচীৰে মাহমৰা সমষ্টিৰ কচুমাৰি ৰাজহুৱা প্ৰেক্ষাগৃহত অনুষ্ঠিত হ’ব৷ অধিৱেশনৰ কাৰ্যসূচী অনুসৰি সেইদিনা পুৱা ঌ বজাত পতাকা উত্তোলন কৰিব অসম জাতীয় পৰিষদ, চৰাইদেউ জিলা সমিতিৰ সভাপতি মাণিক গগৈয়ে, পুৱা ঌ-৩০ বজাত শ্বহীদ তৰ্পণ কাৰ্যসূচী মুকলি কৰিব জিলা সমিতিৰ সম্পাদক বিপুল কুমাৰ ফুকনে৷ দুপৰীয়া প্ৰতিনিধিৰ নাম পঞ্জীয়নৰ পাচতে প্ৰতিনিধি সভা অনুষ্ঠিত হ’ব৷ সভাত মুখ্য অতিথি হিচাপে অংশগ্ৰহণ কৰিব অসম জাতীয় পৰিষদৰ সভাপতি লুৰীণজ্যোতি গগৈ আৰু সন্মানীয় অতিথি হিচাপে দলটোৰ উপ সভাপতিত্ৰয় ক্ৰমে প্ৰাক্তন বিধায়ক অনুপ ফুকন, ৰাণা চাংমাই আৰু ইজৰাইল নন্দ উপস্থিত থাকিব৷ ইফালে সভাখনত অসম জাতীয় যুৱ শক্তিৰ সভানেত্ৰী লাকিমণি বৰুৱা, কাৰ্যকৰী সভাপতি দিপাংকৰ সোণোৱাল আৰু সাধাৰণ সম্পাদক মহম্মদ ইফ্‌টিকাৰ ৰহমানকে ধৰি বহুকেইগৰাকী দলৰ শীৰ্ষ নেতাই বিশিষ্ট অতিথি হিচাপে অংশগ্ৰহণ কৰিব বুলি উদ্যোক্তা সমিতিয়ে জনাইছে৷