নিশা ৰঙাপৰা আবকাৰী বিভাগৰ অভিযান। ৫৭৫ কাৰ্টুন অৰুনাচলী সুৰা জব্দ। শোনিতপুৰ জিলাৰ চাৰিদুৱাৰ ৰাজহ চক্ৰৰ অন্তৰ্গত বালিপৰাৰ সমীপত আবকাৰী বিষয়া জয়ন্ত চৌধৰীৰ নেতৃত্বত আবকাৰীৰ এটা দলে  নিশা এক গোপন সুত্ৰৰ পম খেদি ৫৭৫ কাৰ্টুন অৰুনাচলী সুৰা সহ এখন ট্ৰাক জব্দ কৰিবলৈ সক্ষম হয়। উল্লেখ্য যে NL 01 L 7862 নম্বৰৰ এখন ট্ৰাকত ভালুকপংৰ পৰা মনিপুৰ অভিমুখে গৈ থকা অৱস্থাত নিশা ১মান বজাত ট্ৰাক সহ এই সুৰাখিনি জব্দ কৰিবলৈ সক্ষম হয়। ঘটনা সন্দৰ্ভত দুজনক আটক। জব্দকৃত সুৰাখিনিৰ মূল্য প্ৰায় ১০ লাখ টকা মূল্যৰ হব বুলি আবকাৰী সুত্ৰত প্ৰকাশ।