ধেমাজিৰ জিলাৰ উত্তৰ ধেমাজিত আজি ভাৰতীয় জনতা পৰ্টিৰ উদ্যোগত জিলা স্বাস্থ্য বিভাগে এক মেগা ক’ভিড টিকাকৰণ কাৰ্যক্ৰম অনুষ্ঠিত কৰে ৷ উত্তৰ ধেমাজি পঞ্চায়ত কাৰ্যালয় চৌহদত আয়োজন কৰা ক’ভিড ভেকচিন টিকাকৰণ কাৰ্যসূচীত অঞ্চলটোৰ ছাত্ৰ-ছাত্ৰীকে ধৰি দুই শতাধিক লোকে ক’ভিড ভেকচিন গ্ৰহণ কৰে ৷ অনুষ্ঠানত লখিমপুৰ লোকসভা সমষ্টিৰ সাংসদ প্ৰদান বৰুৱা, জিলা বিজেপিৰ সভাপতি প্ৰিম দত্ত, জিলা যুটীয়া স্বাস্থ্য সেৱা সঞ্চালককে ধৰি চিকিৎসক-চিকিৎসাকৰ্মী উপস্থিত থাকি ভেকচিন প্ৰদানত ৰাইজক উৎসাহিত কৰে ৷ অনুষ্ঠানত সাংসদ প্ৰদান বৰুৱা আৰু জিলা বিজেপিয়ে চিকিৎসক, চিকিৎসা কৰ্মী, স্বাস্থ্য বিভাগৰ বিষয়া-কৰ্মচাৰীক সম্বধনা জনায় ৷ টিকাকৰণৰ লগত সংগতি ৰাখি আয়োজন কৰা সজাগতামূলক সভাত ভাষণ দি সাংসদ প্ৰদান বৰুৱাই ক’ভিডৰ তৃতীয় পালি ভেকচিন গ্ৰহণ কৰিবলৈ ৰাইজক আহ্বান জনাই ছাত্ৰ-ছাত্ৰীসকলক ক’ভিড টিকাকৰণৰ ওপৰত গুৰুত্ব দিবলৈ আহ্বান জনায় ৷