শোনিতপুৰ জিলাৰ ভালুকপুং পৰা সামৰি একমাত্ৰ উচ্চ শিক্ষাৰ প্ৰতিষ্ঠান ৰঙাপৰা মহাবিদ্যালয়লৈ সুখৰ খবৰ।ৰঙাপৰা মহাবিদ্যালয়ৰ ইতিহাসত পোন প্ৰথম বাৰৰ বাবে ৰাষ্ট্ৰপতিৰ পুৰস্কাৰৰ বাবে মনোনীত হৈছে ৰাষ্ট্ৰীয় সেৱা আঁচনিৰ স্বেচ্ছাসেৱক শুভংকৰ দে নামৰ এজন ছাত্ৰ।এই খবৰে মহাবিদ্যালয়খনলৈ কঢ়িয়াই আনিছে সুখৰ বন্যা। উল্লেখ্যে যে ৰঙাপৰা মহাবিদ্যালয়ৰ শুভাংকৰ দে নামৰ এই ছাত্ৰজনে বিদ্যালয়খনত নামৰ্ভৰ্টি কৰাৰ দিনৰে পৰাই মহাবিদ্যালয়খনৰ ৰাষ্ট্ৰীয় সেৱাঁ আঁচনিৰৰ গোটৰ সৈতে জড়িত হৈ ৰঙাপৰা বালিপৰাকে ধৰি বিভিন্ন ঠাইত আগবঢ়াই আহিছিল সামাজিক সেৱা,ইয়াৰ ওপৰিও মহামাৰী কভিডৰ সময়ত শুভংকৰৰ কৰ্মৰাজী আছিল উল্লেখ্যখনীয়। সেইহে মহাবিদ্যালয়ত অধ্যয়নৰত অৱস্থাতে এইগৰাকী ছাত্ৰ মনোনীত হৈছে দেশৰ প্ৰথম গৰাকী মহিলা তথা মহামহিম ৰাষ্ট্ৰপতি দ্ৰোপদী মূৰ্মুৰ পৰা লাভ কৰিব ৰাষ্ট্ৰপতিৰ পদক। এই খবৰে সমগ্ৰ ৰঙাপৰা-বালিপৰা অঞ্চললৈ গৌৰৱ কঢ়িয়াই আনিছে।শুভাংকৰ এই খবৰত উৎফুল্লিত এতিয়া মহাবিদ্যালয় কৰ্তৃপক্ষ। অহা ২৪ ছেপ্টেম্বৰ তাৰিখে ভাৰতৰ মহামহিম ৰাষ্ট্ৰপতি গৰাকীৰ পৰা পদক গ্ৰহণ কৰিব শুভাংকৰে।