নিযুক্তি কেলেংকাৰী সম্পৰ্কত তথ্য দাঙি ধৰি গ্ৰেপ্তাৰ হোৱা ভিক্টৰ দাস আৰু 'অসমীয়া প্ৰতিদিন' কাকতৰ সাংবাদিক বনজিৎ ঠাকুৰীয়াৰ ওপৰত সংঘটিত আক্ৰমণৰ ঘটনাৰ নিৰপেক্ষ তথা উচ্চ-পৰ্যায়ৰ তদন্তৰ দাবীৰে আজি ৰাজ্যপাল অধ্যাপক জগদীশ মুখীক স্মাৰক পত্ৰ প্ৰদান কৰে অসম প্ৰদেশ কংগ্ৰেছ কমিটীৰ এটা উচ্চ-পৰ্যায়ৰ প্ৰতিনিধি দলে।  আজি বিয়লি ৩-৩০ বজাত ৰাজ্যপালক সাক্ষাৎ কৰি দুখন পৃথক স্মাৰক পত্ৰ প্ৰদান কৰে। প্ৰাক্তন সাংসদদ্বয় দ্বিজেন শৰ্মা আৰু বলিন কুলী, সাধাৰণ সম্পাদক অপূৰ্ব কুমাৰ ভট্টাচাৰ্য, সংবাদ মাধ্যম বিভাগৰ অধ্যক্ষ মনজিৎ মহন্ত,উপ-সভানেত্ৰীদ্বয় বালিকা লাহন পেগু আৰু ৰূপা দেউৰী, সম্পাদক ৰফিকুল হুছেইনক লৈ গঠিত দলটোৱে ৰাজ্যপাল অধ্যাপক জগদীশ মুখীক স্মাৰক পত্ৰ প্ৰদান কৰি দীৰ্ঘ সময় আলোচনাত মিলিত হয়।