নলবাৰী জিলাৰ বৰভাগ ৰাজহচক্ৰৰ অন্তৰ্গত বাহাৰঘাটত আজি এটা মোবাইল চোৰক হাতেলোটে আটক কৰি ৰাইজে কানত ধৰি উঠাবহা কৰাই ভবিশ্যতৰ বাবে চোৰ বৃত্তিৰ পৰা আতৰত থকাৰ সপত খুৱাই৷উল্লখ্য যে আজি পূৱা বাহাৰঘাটত মৰোৱা কমলপুৰ পথত থকা এটি উপপথত এখন চিমেণ্ট ভৰ্তি ট্ৰাক ফাচি যোৱাত তাক প্ৰত্যক্ষ কৰিবলৈ অসংখ্য ৰাইজৰ সমাগম হৈছিল৷বহুতো যানবাহনোো জমা হৈছিল ৰাস্তাৰ দুয়োমুৰে৷ উক্ত ঘটনা প্ৰত্যক্ষ কৰিবলৈ এজন যুৱকে তেওঁৰ ওৱেগনাৰ গাড়ীখনৰ পৰা নামি আহিছিল,কিন্তু তেওঁৰ মোবাইলটো গাড়ীতে এৰি আহে৷ইতিমধ্যে উক্ত ঠাইত জলজীৱন মিচনৰ পাইপ ভৰ্তি টাটা মেজিক ভেন এখন সেই ঠাইতে ৰৈ ঘটনাস্থলী পৰ্য্যবেক্ষন কৰে আৰু তাৰ পৰা উভতি অন্য পথৰে যাত্ৰা কৰে৷এনেতে ওৱেগনাৰ খনৰ যুৱক জনে মোবাইলটো নেদেখি হাহকাৰ লগাই৷তাৰ পিচত অনুসন্ধান কৰি মেজিক ভেনখনৰ কোনোবাই নিয়া বুলি নিশ্চিত হৈ গাড়ীখনক খেদি ধৰা পেলাই৷তাতে মোবাইল নিয়া চোৰটোক চিনাক্ত কৰে৷চোৰটো হাজোৰ মনাহকুছিৰ ৰাজু আলি বুলি চিনাকি দিয়ে৷