परभणी(प्रतिनिधी)भारतीय जनता पार्टीचे सोनपेठ येथील नेते बालाप्रसाद व्दारकादासजी मुंदडा यांचे आज सोमवारी (दि.१९) दुपारी २ वाजता लातुर येथील खाजगी रुग्णालयात निधन झाले. बालाप्रसाद मुंदडा हे काही दिवसांपासून कॅन्सर या दुर्धर आजाराने त्रस्त होते. ते भारतीय जनता पार्टीच्या व्यापार आघाडीचे मराठवाडा विभाग प्रमुख होते. सोनपेठ नगर परिषदेच्या प्रभारी नगराध्यक्षपदी ते काही काळ राहीले. सामाजिक व धार्मिक कार्यात ते सतत अग्रेसर राहत.त्यांच्या निधनाने सोनपेठ शहरावर शोककळा पसरली असुन त्यांच्यावर मंगळवारी (दि.२०) सकाळी सोनपेठ येथे अंत्यसंस्कार करण्यात येणार आहेत.