হাবিবৰঙাবাৰীত আনন্দ-উল্লাস । অসম আৰক্ষীৰ নিযুক্তিত ৮ গৰাকীৰ সফলতা । মৰিগাঁও জিলাৰ হাবিবৰঙাবাৰীৰ ৮ যুবক আৰক্ষীত নিযুুক্তিয়ে অঞ্চলটোত আনন্দ উল্লাসৰ জোৱাৰ তুলিছে।কোনোজন যদি খাতি খোৱা কৃষকৰ সন্তান কোনো জন অৱসৰ প্ৰাপ্ত সামৰিক বাহিনীৰ জোৱানৰ পুত্ৰ, কোনো জন আকৌ প্ৰতিদিনে কষ্টোপাৰ্জিত ধনেৰে ঘৰখন চলোৱা, পিতৃ-মাতৃক পোষণৰ দায়িত্ব পালন কৰা দায়িত্বশীল যুবক। বিদ্যালয়, মহাবিদ্যালয়ৰ দেওনা অতিক্ৰম কৰা আৰু মহাবিদ্যালয়ত অধ্যয়নৰত হৈও নিজৰ জীৱন জীৱিকাৰ সন্ধান কৰি পুৱা, আবেলি কেতিয়াবা ভৰ দুপৰীয়া ওচৰৰ খেলপথাৰত দৌৰা,জপিওৱা, শাৰীৰিক ব্যায়ামত নিয়োজিত যুৱ প্ৰতিভা ।এই সকলৰ ভিতৰত কামাণ্ডো বাহিনীৰ বাচনিত কৃতকাৰ্যতা লাভ কৰে ক্ৰমে- হাবিবৰঙাবাৰী গাঁৱৰ বিতু বৰুৱা,পুলিন নাথ,দ্বীপজ্যোতি নাথ,কমল পাতৰ,পৰশমনি বৰদলৈ বৰিগাঁৱৰ অংকুৰ জ্যোতি নাথ। লগতে দুগৰাকীয়ে অসম আৰক্ষীৰ কণিষ্টবলৰ নিযুক্তিৰ বাচনি পৰীক্ষাত সফলতা লাভ কৰিছে মুকুল বৰুৱা আৰু শংকৰ জ্যোতি নাথে। উল্লেখ্য যে ২০১১ চনৰ পৰাএকেৰাহে হাবিবৰঙাবাৰী স্কুল খেল পথাৰত অতি প্ৰযত্নেৰে শাৰীৰিক চৰ্চা,কথোৰ অনুশীলন কৰি প্ৰতিবছৰে অসম আৰক্ষী,সামৰিক বাহিনী, অৰ্ধ সামৰিক বাহিনী,বায়ুসেনা,নৌসেনা বাহিনীত প্ৰায় সত্তৰ গৰাকীয়ে নিযুক্তি লাভ কৰি নিজৰ জীৱন জীৱিকাৰ পথ উলিওৱাৰ উপৰি একোটা পৰিয়াললৈ আশাৰ বতৰা কঢ়িয়াই আনিছে।