কাকপথাৰত বিশ্বকৰ্মা বিশ্বকৰ্মা পূজাৰ প্ৰাকমূহুৰ্তত এক ভয়ংকৰ পথ দূৰ্ঘটনা সংঘটিত হৈছে ৷ কাকপথাৰৰমাইঠংত বিশ্বকৰ্মাৰ প্ৰতিমা নি থকা এখন ট্ৰাকৰ সৈতে এখন ৰয়ল এনফিল্ড বুলেট বাইকৰ মূখামূখি সংঘৰ্ষত বাইক আৰোহী জন গুৰুত্বৰ ভাবে আহত হৈছে বুলি জানিব পৰা গৈছে ৷ চুবুৰীয়া ৰাজ্য অৰুণাচল প্ৰদেশৰ দিশে  বিশ্বকৰ্মাৰ প্ৰতিমা লৈ গৈ থকা  AS O6 AC 6306 নম্বৰৰ 709 ট্ৰাক খনৰ সৈতে বিপৰীত দিশৰ পৰা আহি থকা AR  16 7591 নম্বৰৰ মটৰ চাইকেলখনে নিয়ন্ত্ৰণ হেৰুৱাই প্ৰচণ্ড জোৰত খুণ্ডা মৰাত মটৰ চাইকেল আৰোহী জন গুৰত্বৰ ভাৱে আহত হৈছে বুলি জানিব পৰা গৈছে ৷ ঘটনাস্থলীত কাকপথাৰ আৰক্ষী উপস্থিত হৈ আহত জনক উন্নত চিকিৎসাৰ বাবে ১০৮ এম্বুলেঞ্চেৰে হাস্পতাললৈ প্ৰেৰণ কৰে ৷ আহত মটৰ চাইকেল আৰোহী জনৰ পৰিচয় এতিয়ালৈ লাভ কৰা নাই ৷