চলিত বৰ্ষৰ জুন মাহতে বৰলীয়া নৈৰ মঠাউৰি চিঙি কামৰূপ আৰু নলবাৰী জিলাৰ এটা অঞ্চলৰ ৰাইজক সৰ্বশ্ৰান্ত কৰিছিল৷বাটপথ ভাঙি চিঙি বিভিষিকাময় পৰিবেশৰ সৃষ্টি কৰিছিল৷উক্ত বানৰ কবলত বৰপূল্লা আৰু পূৰ্নদৈচপৰাৰ মাজত এটি কালভাৰ্ট সম্পূৰ্ণ উটুৱাই নিয়াৰ লগতে মৰোৱা কমলপুৰ পথটো বিধস্ত কৰি প্ৰকাণ্ড প্ৰকাণ্ড গাতৰ সৃষ্টি কৰিছিল৷বৰ্তমান উক্ত গাত সমূহ মৰণফান্দ হৈ আছে৷ইতিমধ্যে শাৰদীয় দুৰ্গাপূজা সমাগত৷দুৰ্গাপূজাত পথটিৰে অসংখ্য যানবাহনৰ চলাচল হয়৷তেনেস্থলত পথৰ বিপদসংকুল গাত সমূহ মাৰি যাতায়তৰ সুচল নকৰিলে বিপদৰ আশংকা কৰিছে ৰাইজে৷কাৰণ কামৰূপ আৰু নলবাৰী জিলাৰ উক্ত পথটোৱে হৈছে একমাত্ৰ যোগাযোগৰ মাধ্যম৷৷সেয়েহে পূজাৰ আগতে পথটো মেৰামতি কৰাৰ বাবে ৰাইজে দাবী কৰিছে৷