চৰাইদেউ জিলাৰ কৃষি বিভাগৰ অন্তৰ্গত নিমনাগড় কৃষি চক্ৰৰ অধীনত চুলাধৰা খনিকৰ গাঁও আৰু চুমনি গাঁৱত কৃষকৰ শালি ধানৰ খেতিত শুৰ পোক লগাৰ খবৰ লাভ কৰাৰ পাছতে জিলা কৃষি বিভাগৰ তৰফৰ পৰা তাৎক্ষনিকভাৱে খেতিৰ মাটিত দৰৱ ছটিয়াই প্ৰতিৰোধৰ ব্যৱস্থা কৰা হয়। কৃষকৰ ফচল যাতে নষ্ট নহয় তাৰ বাবে জিলা কৃষি বিভাগে বিহিত ব্যৱস্থা গ্ৰহণ কৰি আহিছে। জিলাখনৰ কৃষক ৰাইজে যদিহে কৃষি ক্ষেত্ৰত এনে সমস্যাৰ সন্মুখীন হৈছে তেন্তে অতি সোনকালে জিলা কৃষি বিভাগ, কৃষি উন্নয়ন বিষয়া অথবা স্থানীয় কৃষি সম্প্ৰসাণৰ সহায়কৰ সৈতে যোগাযোগ কৰিবলৈ আহ্বান জনোৱা হৈছে।