নৰ্থ ইষ্ট ইণ্ডিয়া ফেষ্টিভেলৰ 'পিপল টু পিপল মিট'ত অংশগ্ৰহণ ৰাজ্যৰ কেবিনেট মন্ত্ৰী যোগেন মহনৰ। থাইলেণ্ডৰ বেংককত NorthEast India Festival ৰ লগত সংগতি ৰাখি ভাৰতীয় দূতাবাসে আজি আয়োজন কৰা পিপল টু পিপল এক্সচেঞ্জ মিটত উপস্থিত থাকে মন্ত্ৰী গৰাকী । ইয়াত ভাৰতৰ উত্তৰ-পূবক দক্ষিণ পূব এছিয়াৰ সৈতে সংযোগ কৰাৰ বিষয়ত আলোচনা কৰা হয় লগতে বিশেষকৈ আমাৰ ইতিহাস আৰু টাই ঐতিহ্যৰ ওপৰত বিশেষ গুৰুত্ব দিয়া হয় বুলি জানিবলৈ দিছে মন্ত্ৰী যোগেন মহনে। উল্লেখ্য যে এই কাৰ্যসূচীত উত্তৰ পূৰ্বাঞ্চলৰ কেউখন ৰাজ্যৰ জনপ্ৰতিনিধি, প্ৰশাসনিক বিষয়া তথা সাংস্কৃতিক কৰ্মীৰ লগতে সোণাৰি সমষ্টিৰ বিধায়ক ধৰ্মেশ্বৰ কোঁৱৰেও অংশগ্ৰহণ কৰিছে।