নুমলীগড়ৰ এদল মহিলাৰ ব্যতিক্ৰমী প্ৰয়াস । ঘৰুৱা কামৰ মাজতে পুনঃপ্ৰথম বাৰৰ বাবে আয়োজন কৰিছে মহিলা ভাওনা । কোনোবা যদি হৈছে ৰজা হৰিচন্দ্ৰ আন কোনোবা হৈছে আকৌ ঋষি বিশ্ৰামিত্ৰ । ভাওনা ৰ সংলাপেৰে কঁপাই তুলিছে চৌপাশ । এই দৃশ্য দৈগ্ৰোঙ নাট্যমন্দিৰৰ । দৈগ্ৰোঙ অঞ্চলৰ এই সকল মহিলাই দিনে নিশাই ব্যস্ত ভাওনাৰ আখৰাত । বিশ্বকৰ্মা পূজাৰ দিনা এই সকল মহিলাই মঞ্চস্থ কৰিব এখনি মহাপুৰুষীয়া নাট ' হৰিচন্দ্ৰ উপাখ্যান' । যাৰ বাবে এতিয়া দিনে নিশাই ঘৰুৱা কাম এৰি ওলাই আহিছে ভাওনাৰ আখৰা কৰিবলৈ । পুৰুষৰ সমানে সমানে ভাওনাত অভিনয় কৰাৰ লগতে গুৰু জনাৰ সৃষ্টি ৰাজি সমাজত জীয়াই ৰাখিবলৈ প্ৰয়াস কৰিছে এই সকল মহিলাই ।