শিৱসাগৰ ৰংপুৰ জ্যোতি ক্লাব প্ৰেক্ষাগৃহত সদৌ অসম ভোজপুৰী পৰিষদৰ কেন্দ্ৰীয় সভাপতি কল্যাশ গুপ্তাৰ উপস্থিতিত অনুষ্ঠিত এখনি জৰুৰী সভাত সদৌ অসম ভোজপুৰী পৰিষদৰ শিৱসাগৰ নগৰ সমিতিখন নতুনকৈ গঠন কৰা হয়। উল্লেখ্য যে, সদৌ অসম ভোজপুৰী পৰিষদৰ সংবিধান অনুসৰি প্ৰতি তিনিবছৰৰ অন্তৰে অন্তৰে পুৰণি সমিতি ভঙ্গ কৰি নতুন সমিতি গঠন কৰিব লাগে যদিও বিশেষ কাৰণত শিৱসাগৰ জিলা সমিতিৰ ম্যাদ উকলি যোৱাৰ পিছতো নতুন সমিতি গঠন কৰা হোৱা নাছিল। যাৰ পৰিপ্ৰেক্ষিতত কেন্দ্ৰীয় সমিতিৰ তত্বাৱধানত পুৰণি জিলা সমিতিখন ভঙ্গ কৰি শিৱসাগৰ নগৰ সমিতি গঠন কৰা হয়। ইয়াৰ পিছতে নগৰ সমিতিৰ উদ্যোগত জিলা বিভিন্ন প্ৰান্তৰ আঞ্চলিক সমুহ গঠন কৰি সকলোৰে সহযোগত এখন পূৰ্ণাঙ্গ জিলা সমিতি গঠন কৰাৰ দায়িত্ব নগৰ সমিতিক অৰ্পণ কৰা হয়। শিৱসাগৰ নগৰ সমিতি গঠন কৰা উক্ত জৰুৰী সভাত কেন্দ্ৰীয় সমিতিৰ সভাপতিৰ লগত সংগঠনৰ সচিব ত্ৰিলোক গুপ্তা, অবিনাশ শ্বাহ, অনিল গুপ্তা, বিতু গুপ্তা আৰু পিন্তূ পাথক উপস্থিত থাকে।