দেঝমৰনৈ  উচ্চতৰ মাধ্যমিক বিদ্যালয়ত বিদ্যালয় পৰিচালনা সমিতি গঠন কৰা হয়। সেই উপলক্ষে মঙ্গলবাৰে দেওমৰনৈ উচ্চতৰ মাধ্যমিক বিদ্যালয়ৰ ভাৰপ্ৰাপ্ত অধ্যক্ষ মুকুল শৰ্মাৰ সঞ্চালনাত বিদ্যালয়ৰ সভাগৃহত অনুষ্ঠিত হয় এখন ৰাজহুৱা সভা । বৃহত্তৰ দেওমৰনৈ অঞ্চলৰ শতাধিক ৰাইজ, অভিভাৱক - অভিভাৱিকা তথা শিক্ষক- শিক্ষয়িত্ৰী, কৰ্মচাৰী উপস্থিত থকা সভাখনত বিদ্যালয় পৰিচালনা সমিতিৰ সভাপতি হিচাপে পৰমেশ মহন্ত আৰু বনদেৱ শৰ্মাৰ নামৰ লগতে উপ-সভাপতি হিচাপে আইজুদ্দিন আহমেদ আৰু মনোজ কুমাৰ শৰ্মাৰ নাম প্ৰস্তাৱ কৰি পেনেল প্ৰস্তুত কৰে। আনহাতে শিক্ষা বিভাগৰ গাইডলাইন অনুসৰি অন্যান্য বিষয়বাব সমূহ আজিৰ সভাতেই পূৰণ কৰা হয়।