উজনি মাজুলীৰ ফুলনি অঞ্চলত সংগীতৰ ক্ষেত্ৰ খনত ছাত্ৰছাত্ৰী সকলক আগুৱাই নিয়াৰ বাবে ২০১৯ চনত স্থাপন হোৱা আৰোহণ সংগীত একাডেমিৰ আজি অভিভাৱক সন্মিলন অনুষ্ঠিত হয় ৷ আজি বিয়লি এক বজাৰ পৰা শুভাৰম্ভ হোৱা সভা খনৰ বন্তি প্ৰজ্বলন কৰে লাহৰী মেধীয়ে ৷ অভিভাৱক সন্মিলন খন ছাত্ৰছাত্ৰী সকলে বৰগীত পৰিৱেশন কৰি মঞ্চৰ শুভ উদ্ধোধন কৰে ৷ আৰোহণ সংগীত একাডেমিৰ পৰিচালিকা পিংকুমনি বৰাই আট ধৰা সভাৰ সভাপতিত্ব কৰে কবি জয়ন্ত হাজৰিকাই ৷ সভাত নিদিষ্ট বক্তাৰ ভাষনত জেংৰাইমুখ মহাবিদ্যালয়ৰ প্ৰবক্তা বিনোদ দাস আৰু শিক্ষক হেমকুমাৰ মিলিয়ে সংগীত বিদ্যালয় খনে অঞ্চলৰ ছাত্ৰছাত্ৰী সকলক কৰা উপকাৰৰ ওপৰত মন্তব্য কৰে ৷ সভাত বিশিষ্ট ব্যক্তি হিচাপে থাকি ভাষন ৰাখে ৰাজিব শইকীয়া , বিপুল বৰা আৰু সদৌ গোৰ্খা সন্মিলনৰ ৰাজ্যিক  সাধাৰণ সম্পাদক মনিকুমাৰ নেৱাৰে ৷ এই সভাতেই একাডেমী খনৰ  নতুন পৰিচালনা সমিতিত ডাক্তৰ মানিক মিলি , ৰাজিব শইকীয়া , মনিকুমাৰ নেৱাৰ , পদ্ম শইকীয়া ,বিনোদ দাস , দ্বীজেন শইকীয়াক উপদেষ্টা , জয়ন্ত হাজৰিকাক সভাপতি , পিংকুমনি বৰাক সম্পাদিকা , মনিষা মেধিক সহ সম্পাদিকা আৰু আৰোহণ সংগীত একাডেমীৰ অভিভাৱক সকলক লৈ নতুন সমিতি খন গঠন কৰা হয় ৷ সভা খনত বিভিন্নজন ছাত্ৰছাত্ৰীৰ সংগীত পৰিৱেশনে উপস্থিত সকলোকে আপ্লুত কৰে ৷ সভাৰ শেষত শলাগৰ শৰাই আগবঢ়াই লেখিকা কৃষ্ণ মেধীয়ে ৷