বেজেৰা আৰু শালমাৰা গাঁওৰক্ষী বাহিনীৰ আতিথ্যত
বাইহাটা চাৰিআলি আৰক্ষী থানা গাঁওৰক্ষী বাহিনীৰ এখন সভাআজি দেওবাৰে
শালমাৰা গোপালথান হাইস্কুলৰ সভা কক্ষত অনুষ্ঠিত হৈ যায় ৷ সভাত আগন্তুক দুৰ্গা পূজা সুচাৰুৰূপে উদ্যাপন আৰু নিৰাপত্তা সম্পৰ্কে বিতংভাৱে আলোচনা কৰা হয় ৷ বাইহাটা চাৰিআলি থানা গাঁওৰক্ষী বাহিনীৰ সভাপতি যতীন কলিতাৰ সভাপতিত্বত অনুষ্ঠিত এই সভাত উপস্থিত থাকি বাইহাটা চাৰিআলি আৰক্ষী পৰিদৰ্শক দিলিপ বণিয়াই গাঁওৰক্ষী বাহিনীৰ সদস্য সকলক নিজৰ নিজৰ এলেকাৰ পূজা সমিতি সমূহক সহযোগ আগবঢ়াবলৈ আহ্বান জনায় । থানা উপদেষ্টা সমিতিৰ সম্পাদক জগদীশ ডেকাই আঁত ধৰা আজিৰ গুৰুত্বপূৰ্ণ সভাখনত বাইহাটা চাৰিআলি আৰক্ষী থানাৰ ভাৰপ্ৰাপ্ত আৰক্ষী বিষয়া প্ৰাঞ্জল কুমাৰ নাথেও বক্তব্য প্ৰদান কৰে ৷
