কামৰূপ আৰু নলবাৰী জিলাৰ সীমান্তবৰ্তী ঠাই পূৰ্নখুমডুম হীৰাপাৰাত আজি সন্ধিয়া মহিলা সকলে মিলিত হৈ এখন সজাগতা মূলক সভা অনুষ্ঠিত কৰে৷স্থানীয় পূৰ্নখুমডুম হীৰাপাৰা এল পি স্কুল প্ৰাংগনত বিশিষ্ট সাংবাদিক নৰেন শৰ্মাৰ সভাপতিত্বত অনুষ্ঠিত হোৱা সভাখনত উদ্দেশ্য ব্যাখ্যা কৰে যুৱ সমাজকৰ্মী অক্ষয় হুজুৰীয়ে৷সভাত বিগত কিছুদিন ধৰি চুবুৰীটোত অবাধে মদ ভাংৰ বিক্ৰী তথা সেৱন বন্ধ কৰাৰ বাবে মহিলা সকলে অভিযান চলাইছিল৷উক্ত অভিযানত মহিলা সকল যথেষ্ট সফল হৈছে৷কিন্তু পৰিতাপৰ বিষয় যে মহিলাৰ সজাগতাৰ ওপৰত বিভিন্ন বাতৰি চায় একাংশ লোক তথা দুই এজনী মহিলাই ফেচবুক যোগে অসাংবিধানিক মন্তব্য দিয়াত জাঙুৰ খাই উঠিছে মহিলা সকল৷তেওঁলোকে সভাতে সেইসকল বিবেকহীন লোকক সকিয়াই দি কয় যে সাহসিকতাৰে তোমালোকো আমাৰ লগত সহযোগ কৰা৷আমি ৰাইজৰ পক্ষে আছো৷সভাত সাংবাদিক প্ৰাঞ্জল কলিতাই মহিলা সকলক সাহস দি কয় যে আমি আপোনালোকৰ লগত আছো৷সভাত সমাজকৰ্মী নুৰ হুছেইন,ৰজনী হীৰা আদি কৰি কেইবাজনো লোকে মহিলা সকলক অভয় দি বক্তব্য দিয়ে৷ৰাইজৰ সহাৰি পায় মহিলা সকলে কয় যে সুৰামুক্ত হীৰাপাৰা নোহোৱালৈকে আমাৰ অভিযান চলি থাকিব৷