শ্ৰী শ্ৰী ৰোমহৰ্ষণ মধ্য ইংৰাজী বিদ্যালয়ৰ উদ্যোগত বিদ্যালয়ৰ প্ৰাঙ্গণত আজি দিনজোৰা কাৰ্যসূচীৰে শ্ৰী শ্ৰী ৰোমহৰ্ষণদেৱৰ জন্ম জয়ন্তী উদযাপন কৰা হয়। সেই উপলক্ষে আয়োজিত অনুষ্ঠানটিত পুৱা বৃক্ষৰোপন কৰে পৰিবেশ কৰ্মী গোবিন বৰাই। ইয়াৰ পিছত চিত্ৰাংকন প্ৰতিযোগিতা আৰম্ভ হয়। প্ৰতিযোগিতাখন উন্মোচন কৰে শ্যামন্ত পায়েঙে। পুৱা দহ বজাত আৰম্ভ হোৱা নাম-প্ৰসংগৰ শেষত মুকলি সভা আৰম্ভ হয়। সভাত সভাপতিত্ব কৰে অ‌ৱসৰপ্ৰাপ্ত শিক্ষক হেমোধৰ বৰাই। মাজুলী জিলা সূত সন্মিলনৰ কাৰ্যকৰী সভাপতি পুলিন বৰাই উদ্বোধন কৰা সভাখনত অৱসৰপ্ৰাপ্ত শিক্ষক সোমনাথ দাস, অধ্যাপক ড০ ৰাজেন বৰা মুখ্য অতিথি হিচাপে উপস্থিত থাকে। নিৰ্দিষ্ট বক্তা হিচাপে ভাষ‌ণ আগবঢ়াই অবসৰপ্ৰাপ্ত শিক্ষক বেথাৰাম হাজৰিকাই। বিশিষ্ট অতিথি হিচাপে উপস্থিত থাকে সূত উন্নয়ন পৰিষদৰ উপাধ্যক্ষ তৰুণ বৰুৱা, সদৌ অসম সূত সন্মিলনৰ মুখপাত্ৰ ঋতুপৰ্ণ বৰা, সন্মিলনৰ কেন্দ্ৰীয় সদস্য প্ৰশান্ত হাজৰিকা, আৰু মাজুলী জিলা সূত যুৱ সন্মিলনৰ সভাপতি লক্ষজিত বৰা, আৰু ৰাজ্যিক বটাঁ প্ৰাপ্ত শিক্ষক দিগন্ত বৰা। উদযাপন সমিতিৰ যুটীয়া সম্পাদক পাপু বৰাই আঁত ধৰা অনুষ্ঠান টিত আদৰণি ভাষণ আগবঢ়াই বিদ্যালয়ৰ প্ৰধান শিক্ষক সুজিত শ‌ইকীয়াই । সাংস্কৃতিক সম্পাদক প্ৰবিত্র হাজৰিকাৰ তত্ত্বাৱধানত সভাত তিনিটাকৈ দলীয় দিহানাম আৰু দুটিকৈ বৰগীত পৰিবেশন কৰা হয়। সভাৰ শেষত শলাগৰ শৰাই আগবঢ়াই বিদ্যালয়ৰ সহ শিক্ষক অতুল হাজৰিকাই।