সোণাৰিৰ ৰাজহুৱা প্ৰেক্ষাগৃহত আজি বানে ধোৱা গাঁও নামৰ এখনি শিশু নাট মঞ্চস্থ কৰা হয়। সোণাৰিৰ সামাজিক -সাংস্কৃতিক অনুষ্ঠান সমলয় গোষ্ঠীৰ উদ্যোগত অনুষ্ঠিত হোৱা শিশু নাট কৰ্মশালাৰ অংশ হিচাপে আয়োজন কৰা নাট্য সন্ধিয়াৰ প্ৰথমখন নাট হিচাপে এই শিশু নাটখন মঞ্চস্থ কৰা হয়। নাট্যকাৰ, পৰিচালক এডিচন দেউৰীৰ "বানে ধোৱা গাঁও" শিশু নাট মঞ্চস্থ কৰে সমলয় গোষ্ঠীৰ গ্ৰীষ্মকালীন শিশু নাট কৰ্মশালাৰ প্ৰশিক্ষাৰ্থীসকলে।