হেৰুওৱা ছন্দ আকৌ ওভতাই পাইছে বিৰাট কোহলিয়ে। আফগানিস্তানৰ বিৰুদ্ধে খেলা দূৰ্দান্ত ইনিংছৰ জৰিয়তে ইংগিত প্ৰদান কৰিলে যে কিং আকৌ একেই ফৰ্মেৰে উভতি আহিছে। আফগানিস্তানৰ বলিং লাইনআপক দিশহাৰা কৰি মাৰমুখী ইনিংছ খেলা কোহলিয়ে আজিৰ শতকৰ জৰিয়তে তিনিটা অভিলেখ স্থাপন কৰিলে। মাত্ৰ ৬১ টা বলত অপৰাজিত ১২২ ৰাণ কৰা কোহলিৰ এয়া হৈছে টি-২০ কেৰিয়াৰৰ প্ৰথমটো শতক। একেদৰে এই শতৰাণৰ পাছতেই কোহলিৰ আন্তঃৰাষ্ট্ৰীয় কেৰিয়াৰত সংগ্ৰহ কৰা ৰাণৰ সংখ্যাই ২৪,০০০ স্পৰ্শ কৰিলে। আনহাতে চলিত এছিয়া কাপ ছিৰিজত আটাইতকৈ অধিক ৰাণ সংগ্ৰহ কৰা খেলুৱৈগৰাকী হৈছে বিৰাট কোহলি।