बीड दि.08 (प्रतिनिधी) शहरातील नाथ सृष्टी, लक्षदा रेसिडेन्सी, अंकुश नगर येथील वक्रतुंड गणेश मंडळाच्या श्री. गणेशाची आरती मा.नगराध्यक्ष डॉ.भारतभूषण क्षीरसागर आणि प्राचार्य डॉ. दीपाताई क्षीरसागर यांच्या हस्ते संपन्न झाली. यावेळी उपस्थित नागरिक आणि महिलांशी संवाद साधला .
यावेळी मा.नगराध्यक्ष डॉ.भारतभूषण क्षीरसागर यांनी जनतेला शुभेच्छा देताना म्हणाले की, संपूर्ण महाराष्ट्राचं आराध्यदैवत असलेल्या गणरायाचं घराघरात आगमन झाले आहे. त्याच्या कृपेने दोन वर्षांपासून कायम असणारं कोरोनाचं संकट अखेर दूर झालं आहे. त्यामुळे आपण या वर्षी गणरायाचं उत्साहात, जल्लोषात आणि निर्बंधमुक्त वातावरणात स्वागत करत आहोत. गणेशाचं हे आगमन आपल्या सर्वांच्या आयुष्यात सुख, समृद्धी आणि समाधान घेऊन येवो. संकटांचा नाश करणार्‍या आणि ज्यांच्याकडून कार्य सिद्धीस जाते अशा गणेशजींना आपण नेहमी वंदन करतो आणि पूजा करतो. गणरायाचा आशीर्वाद आपल्या सर्वांवर सदैव राहो. अशी प्रार्थना श्रींच्या चरणी करतो.
यावेळी शालिनी परदेशी, ललिता तांबारे, पूजा साबळे, मेघना घुले, ज्योती चव्हाण, शारदा क्षीरसागर, डॉ.रमेश शिंदे, गणेश जाधव, प्रसाद घुले, कुंदन चव्हाण, अजय तांबारे यांच्यासह स्थानिक नागरिक, महिला उपस्थित होत्या.
