છોટાઉદેપુર ના ધારાસભ્ય મોહનસિંહ રાઠવા તથા રાજેન્દ્રસિંહ રાઠવા એ પાવી જેતપુર માં વિવિધ સ્થળોએ ગણેશજી ની આરતીમાં ભાગ લીધો.
જેતપુરપાવી બજારમાં તિનબતિ સર્કલ,મોટી બજાર, નાની બજાર માં શ્રી ગણપતિ મહોત્સવ માં છોટાઉદેપુર ધારાસભ્ય શ્રી મોહનસિંહ રાઠવા, રાજેન્દ્રસિંહ મોહનસિંહ રાઠવા (રાજુભાઈ) હાજરી આપી પ્રત્યેક શુભકાર્યની શરૂઆત જેમના પૂજનથી થાય છે એવા વિધ્નહર્તા દેવ શ્રી ગણેશજીને રાજ્યના જન-જનની સુખાકારી, સલામતી અને સમૃદ્ધિ માટે અંતર મનથી પ્રાર્થના કરી હતી. ગણેશોત્સવ સામાજિક સમરસતાની સાથે,અનેકતામાં એકતાની ભાવનાને ચરિતાર્થ કરતો જનોત્સવ છે.
દાંડિયા બજારમાં ગણપતિ બાપા ના 56 ભોગ ની આરતીમાં પણ ભાગ લીધો હતો, દાંડિયા બજાર યુવક મંડળ દ્વારા ધારાસભ્ય મોહનસિંહ રાઠવા અને રાજેન્દ્રસિંહ રાઠવા ને સાલ આપી સન્માન કર્યું હતું.
