মাজুলীৰ সপ্তম সংখ্যক প্ৰতিষ্ঠা দিৱস উপলক্ষে মাজুলী জিলা পৰিবহণ বিভাগৰ উদ্যোগত সজাগতা অভিযান
দ্বীপজিলা মাজুলীৰ সপ্তম সংখ্যক প্ৰতিষ্ঠা দিৱস উপলক্ষে মাজুলী জিলা পৰিবহণ বিভাগৰ উদ্যোগত আজি জনসাধাৰণৰ মাজত সজাগতা অভিযান কাৰ্যসূচী ৰূপায়ণ কৰে। পৰিবহন বিভাগৰ তৰফৰ পৰা আজি জিলাখনৰ বিভিন্ন প্ৰান্তত থকা ব্যৱসায়িক কেন্দ্র, বিদ্যালয়, মহাবিদ্যালয়ত অধ্যয়নৰত ছাত্র- ছাত্ৰী আৰু জনসাধাৰণক হেলমেট পৰিধান, মটৰ চাইকেল নাইবা গাড়ী চলাওঁতে ম'বাইল ফোন ব্যবহাৰ নকৰা, মদ্যপান কৰি গাড়ী নচলোৱাকে আদি কৰি মটৰ চাইকেল আৰু গাড়ী চলাওঁতে ল'ব লগা সাৱধানতাৰ বিষয়ে সজাগতা সৃষ্টি কৰা পৰিলক্ষিত হয়। উল্লেখ্য যে ৰাজ্য চৰকাৰৰ নিৰ্দেশ অনুসৰি এইবাৰ মাজুলী প্ৰতিষ্ঠা দিৱসটি জিলা প্ৰশাসনৰ লগতে বিভিন্ন বিভাগ আৰু বিদ্যালয় মহাবিদ্যালয়সমূহে ৬ ছেপ্টেম্বৰৰ পৰা তিনি দিনিয়াকৈ উদযাপন কৰিছে।
