উজনি মাজুলী খেৰকটীয়া কলেজৰ উদ্যোগত শিশুৰ যতনত মাতৃৰ ভূমিকা' শীৰ্ষক সজাগতা সভা  । সপ্তম সংখ্যক মাজুলী জিলা দিৱসৰ লগত সংগতি ৰাখি মাজুলীৰ অন্যতম উচ্চ শিক্ষানুষ্ঠান উজনি মাজুলী খেৰকটীয়া মহাবিদ্যালয়ৰ উদ্যোগত আজি 'শিশুৰ যতনত মাতৃৰ ভূমিকা' শীৰ্ষক সজাগতা সভা অনুষ্ঠিত হয়। মহাবিদ্যালয়খনৰ অধ্যক্ষ ড° জাহ্নৱী লহকৰ বৰুৱাৰ নেতৃত্বত অধ্যাপক ড° উপেন বৰা, ড° বিউটি গগৈ আৰু দেৱৰাজ দত্তই আজি স্থানীয় উজনি বৰবিল অংগনবাড়ী কেন্দ্র, নামনি বৰবিল অংগনবাড়ী কেন্দ্র আৰু নতুন বজাৰ অংগনবাড়ী কেন্দ্রত উপস্থিত হৈ পৃথকে পৃথকে সজাগতা সভা সম্পন্ন কৰে।