তিনিচুকীয়াৰ বিভিন্ন জাতীয়-জনগোষ্ঠীয় সংগঠনৰ উদ্যোগত ,প্ৰতিমূৰ্তি নিৰ্মান সমিতিৰ সহযোগত ডঃ ভূপেন হাজৰিকাৰ ৯৬ সংখ্যক জন্মজয়ন্তী উদযাপনৰ প্ৰস্তুতি তুংগত কৰি তুলিছে ।
বিশ্ববৰেণ্য শিল্পী ,ভাৰতৰত্ন সোধাকণ্ঠ ডঃ ভূপেন হাজৰিকাৰ ৯৬ সংখ্যক জন্মজয়ন্তী অহা ৮ছেপ্টেম্বৰত তিনিচুকীয়াৰ থানা চাৰিআলিস্থিত ডঃ ভূপেন হাজৰিকা স্মৃতি উদ্যানত এদিনীয়া কায্যসূচীৰে অনুষ্ঠিত কৰাৰ বাবে প্ৰস্তুতি চলাইছে তিনিচুকীয়াৰ বিভিন্ন দল-সংগঠনে।
উক্ত জন্মজয়ন্তী অনুষ্ঠানৰ লগত সংগতি ৰাখি ৮ চেপ্তেম্বৰৰ পুৱাই ড০ ভূপেন হাজৰিকাৰ প্ৰতিমূৰ্তিত মাল্যাৰ্পণ কৰাৰ পিছতে কণ কণ ছাত্ৰ-ছাত্ৰীৰ মাজত বিভিন্ন ধৰণৰ প্ৰতিযোগিতা অনুষ্ঠিত হোৱাৰ কথা উল্লেখ কৰিছে উদ্যোক্তা সকলে ।
ইফালে সন্ধিয়ালৈ অসমৰ জনপ্ৰিয় দুগৰাকী শিল্পী পথাৰ শিল্পী লুইত গগৈ আৰু ৰাজীৱ শদিয়াই পৰিবেশন কৰিবলগীয়া সংগীতানুষ্ঠানত সমূহ তিনিচুকীয়াবাসী ৰাইজক উপস্থিত থাকিবৰ বাবে আহ্বান জনাইছে উদ্যোক্তাসকলে ।
