কামৰূপ জিলাৰ কঞাঁ আৰক্ষী থানাৰ অন্তৰ্গত পূৰ্নখুমদুম হীৰাপাৰাত কালি সন্ধিয়া এজাক মহিলাই অবৈধ সুৰা ব্যৱসায়ীৰ বিৰুদ্ধে অভিযান চলাই বহুতো চুলাই মদৰ পেকেট ধ্বংস কৰে৷উল্লেখ্য যে কামৰূপ জিলাৰ পূৰ্নখুমদুম হীৰাপাৰাকে ধৰি নলবাৰী জিলাৰ বৰশিমলুৱা,উত্তৰকুছি আদিৰ উপৰিও একাংশই ফেৰিৱালা ৰূপত অবৈধ চুলাই মদৰ ব্যৱসায় চলাই থকাটো ৰাইজে প্ৰত্যক্ষ কৰি আহিছে৷অৱশেষত কঞাঁ আৰক্ষী থানাৰ ভাৰপ্ৰাপ্ত বিষয়া প্ৰমোদ কোৱৰৰ নেতৃত্বত স্থানীয় মহিলা সকলৰ এখন সজাগতা সমিতি গঠন কৰি দিয়ে৷কালি তেওঁলোকৰ নেতৃত্বত ওলাই অহা অৰ্ধশতাধিক মহিলাই অভিযান চলাই কেইবাজনো হকাৰক আগভেটি ধৰি চুলাই সমূহ নষ্ট কৰাৰ লগতে হকাৰৰ শৰীৰত ধালি দি শাস্তি প্ৰদান কৰে৷আনহাতে স্থায়ীভাৱে ব্যৱসায় কৰা সকলকো সকিয়াই দি মহিলা সকলে কয় যে গাওঁখনৰ পৰা সুৰা মুক্ত নোহোৱালৈকে আমাৰ অভিযান চলি থাকিব৷
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
