তিনিচুকীয়াৰ পৌৰপতি জয়ন্ত বৰুৱাৰ সৈতে শনিবাৰে সন্ধিয়া আচলতে কি হৈছিল, তাকে লৈ এতিয়া তিনিচুকীয়াত তীব্ৰ চাঞ্চল্যই বিৰাজ কৰিছে ৷ চৰ্চা অনুসৰি, পৌৰসভাত অনুষ্ঠিত এখন সভাৰ পাছতে পৌৰপতিগৰাকীক তিনিচুকীয়া সমষ্টিৰ বিধায়ক তথা শ্ৰম মন্ত্ৰীয়ে ৰাজহুৱাকৈ কিছু ককৰ্থনা কৰাৰ লগতে শাৰীৰিকভাৱে অপদস্থ কৰে ৷ কিন্তু এইসন্দৰ্ভত পৌৰপতি জয়ন্ত বৰুৱাই স্পষ্টকৈ মুখ খোলা নাই যদিও এক অনাকাংক্ষিত ঘটনা যে সংঘটিত হ’ল সেয়া স্বীকাৰ কৰিছে আৰু মন্ত্ৰী কিষানে এইসন্দৰ্ভত উঠা অভিযোগ সম্পূৰ্ণ নচ্যাৎ কৰিছে ৷