মৰিগাঁৱৰ ঔজাৰীত ৰবিবাৰে দুপৰীয়া মৰিগাঁও জাগীৰোড পথৰ ঔজাৰীত সংঘটিত এক ভয়ংকৰ পথ দুৰ্ঘটনাত নিহত হয় দুজন চাইকেল আৰোহী। উল্লেখ্যযে ঔজাৰীৰ প্ৰভেশ্বৰ বৰদলৈ আৰু অমৃত বৰদলৈ নামৰ শ্ৰমিক দজনে দুপৰীয়া ওচৰৰে এটা ইটা ভাতালৈ চাইকেলেৰে গৈ থাকোঁতেই পিছ ফালৰ পৰা অহা এ এচ ০১ বি এফ ৩৮১৭ নম্বৰৰ তীব্ৰ বেগী টাটা চাফাৰীখনে মহতীয়াই নিয়ে। ফলত প্ৰভেশ্বৰ বৰদলৈ নামৰ শ্ৰমিকজন পথৰ কাষত চিটিকি পৰি থিতাতে মৃত্যু হয়। আনহাতে অমৃত বৰদলৈক তীব্ৰ বেগী বাহনখনে পথৰ ওপৰতে বহুদুৰ চুচোৰাই নিয়াত গুৰুতৰভাৱে আহত হয়। আহত অমৃত বৰদলৈক ততাতৈয়াকৈ মৰিগাঁও অসামৰিক চিকিৎসালয়লৈ নিয়ে যদিও চিকিৎসকে উন্নত চিকিৎসাৰ গুৱাহাটী মেডিকেল কলেজ হস্পিতাললৈ প্ৰেৰণ কৰে যদিও চিকিৎসালয়লৈ নিয়াৰ পথতে তেওঁৰো মৃত্যু ঘটে। স্থানীয় প্ৰত্যক্ষদৰ্শীৰ মতে তীব্ৰ বেগী টাটা ছাফাৰীখনে খন্দাজান দলঙত এখন বাইকত খুন্দিয়াই বাইক আৰোহী জনক আহত কৰি পলাই যাব বিচাৰোঁতেই ভয়ংকৰ দুৰ্ঘটনাতো সংঘটিত হয়।