ગોંડલ રોડ મક્કમ ચોક પાસે આવેલી રાજ પાઉભાંજીમાં કામ કરતા અને વિજય પ્લોટ શેરી.18માં રહેતા મૂળ ઉત્તરપ્રદેશના વતની સંતોષ ધીરેનકુમાર રાવ(ઉ.વ.18) અને સુનિલકુમાર બજરંગી વર્મા(ઉ.વ.20)બંને તા.31/08 મધરાત્રે બેથી અઢી વાગ્યે દુકાનેથી કામ પૂરું કરી પરત ઘરે જતા હતા ત્યારે દુકાનથી થોડે દુર પહોંચતા ગોંડલ રોડ પરથી પુર ઝડપે આવી રહેલી આઈ20 કારના ચાલકે બંને યુવકોને ઠોકરે લેતા બંને 15 ફૂટ સુધી ફંગોળાયા હતા અને તેમજ અકસ્માતની ઘટનાથી આજુ બાજુના લોકો એકઠા થઇ ગયા હતા.તેમજ અકસ્માત સર્જનાર કાર ચાલક સહિત ત્રણેય ત્યાંથી નાસી ગયા હતા.આ ઘટનાને પગલે બન્ને યુવકોના ઘટના સ્થળે જ કમકમાટી ભર્યા મોત નિપજ્યા હતા.આ બનાવ અંગે એ ડિવિઝન પીઆઇ સી.જી.જોશી સહિતનો સ્ટાફ ઘટના સ્થળે પહોંચી ગયો હતો અને મનુષ્યવધની કલમ હેઠળ કાર ચાલકને પકડી લીધો હતો.