মন্ত্ৰীত্ব লাভৰ পিছত পোন প্ৰথমবাৰৰ বাবে শিলঘাটস্থিত অসম সমবায় মৰাপাট কল পৰিদৰ্শন কৰে মন্ত্ৰী নন্দিতা গৰলোছাই । দেশৰ ভিতৰতে সমবায় ভিত্তিৰ একমাত্ৰ কলটি পৰিদৰ্শন কৰি সন্তোষ প্ৰকাশ কৰে মন্ত্ৰী গৰাকীয়ে । মৰাপাট কলটিৰ নতুন গোটটোয়ে অতি সোনকালে উৎপাদন আৰম্ভ কৰিব বুলি মন্তব্য প্ৰকাশ কৰে মন্ত্ৰী গৰাকীয়ে । অসমত নতুনকৈ আৰু মৰাপাট উদ্যোগ স্থাপনৰ চিন্তা চৰ্চা কৰা হৈছে বুলি জানিবলৈ দিছে মন্ত্ৰী গৰাকীয়ে । কলটিত উপস্থিত হোৱাৰ পাছতে কলৰ বিষয়া কৰ্মচাৰীয়ে মন্ত্ৰী গৰাকীক গামোচা আৰু শৰাইৰে আদৰণি জনাই। অসম গণ পৰিষদ , কলিয়াবৰ বিধান পৰিষদ আৰু ভলগুৰি সত্ৰ সমবায় সমিতিৰ তৰফৰ পৰাও মন্ত্ৰী গৰাকীক সম্বৰ্ধনা জনোৱা হয়।