পঞ্চায়ত আৰু গ্ৰামোন্নয়ন বিভাগৰ নিৰ্দেশনা নং পি আৰ দি-১২/২১ ২০১৭ পি আৰ দি (বি) ৫৬ যোগে মাজুলী জিলাৰ মাজুলী উন্নয়ন খণ্ডৰ খণ্ড উন্নয়ন বিষয়া গৌৰাংগ দত্তক ঢকুৱাখনা উন্নয়ন খণ্ডত আৰু পি আৰ দি -১২/২১ ২০১৭ পি আৰ দি (বি) ৫৬ (এ ) নং নিৰ্দেশনা যোগে কৰিমগঞ্জ জিলাৰ পাথাৰকান্দি উন্নয়ন খণ্ডৰ খণ্ড উন্নয়ন বিষয়া দিবাকৰ দেৱক ঘিলামৰা উন্নয়ন খণ্ডৰ খণ্ড উন্নয়ন বিষয়া হিচাপে নিযুক্তি দিছে । খবৰ অনুসৰি ৰাজ্য চৰকাৰৰ পঞ্চায়ত আৰু গ্ৰামোন্নয়ন বিভাগৰ এক নিৰ্দেশনা অনুসৰি লখিমপুৰ জিলাৰ ঢকুৱাখনা আৰু ঘিলামৰা উন্নয়ন খণ্ডত দুগৰাকীকৈ পূৰ্ণ পদ মৰ্যাদাৰ খণ্ড উন্নয়ন বিষয়াক নিযুক্তি দিছে । যোৱা ৭ জুলাইত পঞ্চায়ত আৰু গ্ৰামোন্নয়ন বিভাগৰ সচিবৰ নিৰ্দেশনা মতে এই দুগৰাকী অসম অসামৰিক সেৱাৰ বিষয়াক পৰৱৰ্তী নিৰ্দেশনা নিদিয়া পৰ্যন্ত উন্নয়ন খণ্ড দুটাত কাৰ্যনিৰ্বাহ কৰি যাবলৈ নিৰ্দেশ দি নিযুক্তি দিছে । উল্লেখ্য যে বিগত কেইবা মাহ ধৰি দুয়োটা উন্নয়ন খণ্ড ভাৰপ্ৰাপ্ত ব্যৱস্থাৰে পৰিচালিত হৈ আছিল ৷
