ৰাজ্য চৰকাৰে চাহ শ্ৰমিক সকলৰ  উন্নয়নৰ বাবে বহু অভিলাষী আঁচনি ৰূপায়ণৰ কথা ঘোষণা কৰিছে যদিও আজিও  সমস্যাত জৰ্জৰিত হৈ আছে চাহ বাগিচাৰ শ্ৰমিক সকল।  শেহতীয়াকৈ চাহ বাগিচাত দৈনিক কাম কৰা শ্ৰমিক সকলৰ মজুৰি  বৃদ্ধিৰ সিদ্ধান্ত গ্ৰহণ কৰাৰ পাছতে শ্ৰমিক সকলক আনন্দিত হোৱা পৰিলক্ষিত হৈছিল যদিও চাহ বাগিচাত কাম কৰা উপ- কৰ্মচাৰী সকলৰ আজিও দৰমহা বৃদ্ধি নহ'ল। লগতে উপ- কৰ্মচাৰী সকলে পাব লগা বোনাচ  চৰকাৰে মোকলাই নিদিয়াৰ অভিযোগ চাহ বাগিচাৰ শ্ৰমিক সকলৰ। ইয়াৰ পাছতে উপ- কৰ্মচাৰী সকলৰ দৰমহা বৃদ্ধি কৰা আৰু পাবলগীয়া বোনাচ মোকলাই দিয়াৰ দাবীত আজি  মৰাণ হিঙিজান চাহ বাগিচাত ৩ ঘন্টিয়া অৱস্থান ধৰ্মঘট কাৰ্যসূচী ৰূপায়ণ কৰে। অসম চাহ মজদুৰ সংঘৰ আহ্বান মৰ্মে বাগিচা খনৰ উপ- কৰ্মচাৰী সকলে এই প্ৰতিবাদী কাৰ্যসূচীৰ জড়িয়তে দৰমহা বৃদ্ধি কৰা আৰু বোনাচ মোকলাই দিয়াৰ বাবে চৰকাৰক  দাবী জনায়।