જિલ્લાના રોલ ઓબ્ઝર્વર્સ તરીકે ગુજરાત એગ્રો ઇન્ડસ્ટ્રીઝ કોર્પોરેશનના એમડી શ્રી ડી.કે. પારેખની નિમણુંક

દાહોદ, તા. ૧ : દાહોદ જિલ્લામાં આગામી તા. ૪ અને તા. ૧૧ સપ્ટેમ્બર બંને રવિવારના દિવસોએ મતદાર યાદીની ખાસ સંક્ષિપ્ત સુધારણા કાર્યક્રમ યોજાશે. નાગરિકોને આ કાર્યક્રમનો લાભ લેવા જિલ્લા ચૂંટણી અધિકારીશ્રીએ જણાવ્યું છે. તેમજ મુખ્ય નિર્વાચન અધિકારીશ્રીએ જાણ કર્યા મુજબ જિલ્લાના રોલ ઓબ્ઝર્વર્સ તરીકે ગુજરાત એગ્રો ઇન્ડસ્ટ્રીઝ કોર્પોરેશન, ગાંધીનગરના મેનેજીંગ ડીરેક્ટર શ્રી ડી.કે. પારેખની નિમણુંક કરાઇ છે. તેઓ આગામી તા. ૩ સપ્ટેમ્બરના રોજ જિલ્લાની મુલાકાત લેશે તેમ જિલ્લા ચૂંટણી અધિકારીશ્રીએ એક યાદીમાં જણાવ્યું છે.