বিদ্যালয় একত্ৰিকৰণত বিসংগতি ৰ অভিযোগ ৷ মাত্ৰ ৬ জন ছাত্ৰছাত্ৰী থকা আদৰ্শ প্ৰাথমিক বিদ্যালয়ৰ লগত ২৪ জন ছাত্ৰছাত্ৰী থকা বৰভূঞা প্ৰাথমিক বিদ্যালয় চামিল নকৰিবলৈ শিক্ষা মন্ত্ৰীক আহ্বান স্থানীয় ৰাইজৰ ৷ ইফালে চেপন শিক্ষা খণ্ডৰ শিক্ষাবিষয়াজনে আদৰ্শ বিদ্যালয় কৰ্তৃপক্ষৰ লগত গোপন বুজাবুজি কৰি বিদ্যালয় চামিলকৰণ কৰিছে বুলি বৰভূঞা গাৱঁৰ ৰাইজে অভিযোগ উত্থাপন কৰিছে ৷ অন্যহাতেদি চেপন খণ্ড শিক্ষা বিষয়াজনক বৰভূঞা গাৱঁৰ ৰাইজে পুনৰ দুয়োখন বিদ্যালয় চৰজমিন্ তদন্ত কৰিবৰ বাবে বাৰম্বাৰ অনুৰোধ কৰিছে যদিও ৰহস্যজনক কাৰণত তেওঁ সেয়া কৰা নাই বুলি অভিযোগ কৰিছে ৰাইজে । সেয়েহে গাৱঁৰ ৰাইজে সমগ্ৰ বিষয়টোত শিক্ষামন্ত্ৰীৰ হস্তক্ষেপ আহ্বান কৰাৰ লগতে চেপন শিক্ষা খণ্ডৰ শিক্ষা বিষয়াজনৰ বিৰুদ্ধেও বিহিত ব্যৱস্থা লবলৈ আহ্বান জনাইছে ৷