ৰঙিয়া মহকুমাৰ দক্ষিণ দিশৰ কঞাঁ ৰাজহ চক্ৰৰ অন্তৰ্গত কঞাঁৰ আটাইকেইটা পথে বানত বিধস্ত হোৱাৰ পিছতো আজিলৈকে মেৰামতিৰ কোনো ব্যৱস্থা নকৰাত ৰাইজে ক্ষোভ প্ৰকাশ কৰিছে । উল্লেখ্য যে যিকেইটা পথেৰে কঞাঁ ৰাজহচক্ৰ কাৰ্যালয় , কঞাঁ আৰক্ষী থানালৈ অহা যোৱা কৰিব লাগে সেইকেইটা পথৰ বিধস্ত ৰূপে সমষ্টিৰ জনপ্ৰতিনিধি গৰাকীৰ অমনোযোগতাৰ প্ৰকৃত ছবি প্ৰকাশ পায় । আনহাতে উক্ত বিধস্ত পথেৰে স্কুল কলেজৰ ছাত্ৰ ছাত্ৰী অহা যোৱা কৰাৰ উপৰিও ৰঙিয়া মহকুমা সদৰৰ লগত পশ্চিম বড়িগোগ মৌজাৰ একমাত্ৰ যোগাযোগৰ পথ উক্ত বানে বিধস্ত কৰা পথকেইটা । ৰাইজে অনতিপলমে পথকেইটা মেৰামতি কৰাৰ দাবী জনাইছে ।