প্ৰথমজনা আহোম স্বৰ্গদেউ চাওলুং চুকাফাৰ পবিত্ৰ সমাধিস্থল আজি অৱহেলিত-উপেক্ষিত। সুদীৰ্ঘ কাল অচিনাক্ত হৈ ৰোৱা চ্যুকাফাৰ মৈদাম ২০১৫ চনত চিহ্নিত কৰি উদ্ধাৰ কৰা হৈছিল যদিও আজিলৈকে কোনো ধৰণৰ গুৰুত্ব দিয়া নাই বিভাগীয় কৰ্তৃপক্ষই। মৈদাম টো সংৰক্ষণৰ বাবে চৰকাৰী ভাৱে আঁচনি প্ৰস্তুত কৰা হৈছিল যদিও আজিলৈকে কিন্তু কোনো ধৰণৰ বিশেষ পদক্ষেপ আগবঢ়া পৰিলক্ষিত হোৱা নাই। ইয়াৰ পৰিপ্ৰেক্ষিতত অতিশীঘ্ৰে এই মৈদামটো সংৰক্ষণ আৰু সৌন্দৰ্য বৰ্ধন কৰিবলৈ চৰকাৰৰ প্ৰতি আহ্বান জনাইছে স্থানীয় ৰাইজে।