ডিব্ৰুগড় জিলাৰ টিংখাঙৰ ঘূগুলনী গাঁৱত সংঘটিত হৈছে এই চাঞ্চল্যকৰ ঘটনা। চাৰিদিন ধৰি সন্ধানহীন হৈ আছে একেখন গাঁৱৰে ৩ গৰাকীকৈ কিশোৰী।পৰিয়ালৰ লোকে জানিবলৈ দিয়া অনুসৰি,শনিবাৰে বিদ্যালয়লৈ বুলি ঘৰৰ পৰা ওলাই গৈ আৰু উভতি অহা নাই ঘূগুলনী গাঁৱৰ তিনিগৰাকীকৈ কিশোৰী। নিৰুদ্দিষ্ট কিশোৰী কেইগৰাকী হৈছে- অষ্টমী চালুক, চমাৰী টুটী আৰু মমী টুটী। শনিবাৰৰ পৰা বৰ্তমানলৈকে কোনো ধৰণৰ শুংসূত্ৰ নাই তিনিওগৰাকী কিশোৰীৰ ।টিংখাঙৰ লেঙেৰী বালিকা উচ্চ মাধ্যমিক বিদ্যালয়ৰ দশম শ্ৰেণীৰ ছাত্ৰী অষ্টমী চালুক।অষ্টমীৰ লগতে একে দিনাই নিৰুদ্দেশ হৈ আছে গাঁওখনৰ আন দুগৰাকী কিশোৰী চমাৰী টুটী আৰু মমী টুটী।ইতিমধ্যে ঘটনা সন্দৰ্ভত বামুণবাৰী আৰক্ষী চকীত এজাহাৰ দাখিল কৰিছে তিনি ভুক্তভোগী পৰিয়ালে।