বানে ভাঙিলে ঘৰ-দুৱাৰ। কিন্তু এটকাও নাপালে চৰকাৰী সাহায্য। এই লৈ ৰহাৰ চহৰী পঞ্চায়তৰ শান্তিপুৰ গাঁৱত সৃষ্টি হৈছে তীব্ৰ ক্ষোভ। ৰহা ৰাজহ চক্ৰ অন্তৰ্গত শান্তিপুৰ গাঁৱৰ বহু লোকে আজিও আপোন ঘৰখনত প্ৰৱেশ কৰিব পৰা নাই। শান্তিপুৰৰ আধাতকৈ অধিক বানাক্ৰান্তই নাপালে চৰকাৰী আঁচনিৰ সাহায্য। সমগ্ৰ ঘটনাৰ সন্দৰ্ভত উক্ত ৱাৰ্ডৰ ৱাৰ্ড সদস্য গৰাকীয়ে ৰহা ৰাজহ চক্ৰ কাৰ্যালয়ৰ কৰ্মচাৰীৰ গাফিলতিৰ ফলত শান্তিপুৰ বাসীৰ নাম বাদ পৰা বুলি উল্লেখ কৰিছে। সমগ্ৰ ঘটনাৰ উচিত তদন্তৰ দাবী জনাই বন্যাৰ্তক চৰকাৰী সাহায্য প্ৰদান কৰিবলৈ অনুৰোধ জনাইছে চৰকাৰক।