সামাজিক মাধ্যমৰ বহু চৰ্চিত প্ৰাঙ্ক কৰিবলৈ গৈ দুই যুৱ ইউটিউবাৰ গণ  প্ৰহাৰৰ সন্মুখীন হৈ  ৰঙা ঘৰৰ আলহী হব লগা হয় ঢকুৱাখনাত ৷ সামাজিক মাধ্যম Youtube ত প্ৰাঙ্ক ভিডিঅ ৰেকৰ্ড কৰিবলৈ আহি নকল পিষ্টলেৰে পথচাৰীক ধন দাবী। ঘটনাৰ স্থান ঢকুৱাখনা সদৰ থানাৰ অন্তৰ্গত  ঢকুৱাখনা - মাছখোৱা গড়কাপ্তানী পথৰ পানী গাঁও ৰেচম ফাৰ্ম এলেকা ৷ খবৰ অনুসৰি ১ নং থেকেৰাগুৰি গাঁওৰ বিদ্যুৎ বিভাগৰ কৰ্মী ইন্দ্ৰেশ্বৰ ৰাজবংশী দুপৰীয়া প্রচণ্ড গৰমত এই পথেৰে  কৰ্তব্য সমাপন কৰি ঘৰমুৱা হোৱা সদয়তে নিৰ্জন  হাবিতলীয়া অংশত হঠাৎ সন্মুখত আবিৰ্ভাৱ হল হাতত উদ্যত পিষ্টল লৈ এজন যুৱক ৷ ঢকুৱাখনা - ধেমাজি সংযোগী পথৰ অতি নিৰিবিলি ঠাইখিনিত মানুহ নোহোৱাৰ সুযোগ লৈ যুৱক দুজনে বিদ্যুৎ বিভাগৰ কৰ্মচাৰী গৰাকীক প্ৰথমে ধন দাবী কৰে। ভয়ত কম্পমান ব্যক্তিজনে কোনোমতে পলাই গৈ স্থানীয় ৰাইজক খবৰ দিয়েগৈ, ৰাইজে খবৰ পাই দুই যুৱকক কৰায়ত্ত কৰি উত্তম মাধ্যম সোধাই ঢকুৱাখনা আৰক্ষীক খবৰ দিয়ে। শেষত আৰক্ষী উপস্থিত হয় যুৱক দুজনক থানালৈ লৈ যায় আৰু নকল বন্দুকটো লগতে যুৱক দুজনৰ বাইকখনো জব্দ কৰে। সদৰ থানাত যুৱকজনে জনোৱা মতে নিজৰ নামত এটা  “ইউটিউব চেনেল “খুলি  এই চেনেলৰ জৰিয়তে  সস্তীয়া প্ৰচাৰৰ বাবে এই  প্ৰাঙ্ক ভিডিঅ  নিৰ্মাণ কৰিছিল সতীৰ্থ কেমেৰা পাৰ্চন প্ৰিয়ম দলেৰ  জৰিয়তে ৷ ইপিনে ধৃত দুই  যুৱক সম্প্ৰতি ঢকুৱাখনা সদৰ থানাত জেৰাৰ বাবে ৰখা হৈছে । সামাজিক মাধ্যম ব্যৱহাৰৰ নামত গুৰু গোঁসাই নমনা এনে  অবিবেচকী যুৱ প্ৰজন্মৰ এনে হঠকাৰী কাম কাজে  সাম্প্ৰতিক সমাজ সভ্যতালৈ নিশ্চিত ভাবে এক অশনি সংকেত  নমাই আনিছে  ।