আৰিমাৰী গাঁৱৰ ৰাইজে উপায়হীন হৈ নিজেই বাঁহেৰে গৰাখহনীয়া ৰোধৰ চেষ্টা। গাঁৱৰ প্ৰতি ঘৰৰ পৰা বাঁহ আনি ব্যস্ত হৈ পৰিছে নৈক ভেটা দিবলৈ। দৰং জিলাৰ দলগাওঁ বিধান সভা সমষ্টিৰ আৰিমাৰি গাওঁ পঞ্চায়তৰ অন্তৰ্গত খেৰনি চাপৰিৰ লোক সকলৰ নিদ্ৰাহৰণ কৰিছে ধনশ্ৰী নৈৰ গৰাখহনীয়াই । যাৰ ফলত ভাবুকি অনা খেৰনি চাপৰি গাঁৱৰ নৈ পৰিয়া ৰাইজে এতিয়া উপায়হীন হৈ একগোট হৈ বাঁহৰ খুটাৰে ভেটা দিয়াত নামি পৰিছে । গাওঁখনৰ প্ৰায় এহেজাৰ বিঘা কৃষি ভূমিৰ লগতে বহু ঘৰ দুৱাৰ নৈত উটি যোৱাত গাঁৱৰ ৰাইজে এতিয়া বিমোৰত পৰি নিজেই হাতে কামে লাগি গৰাখহনীয়া ৰোধ কৰিবলৈ নামিছে। এই ক্ষেত্ৰত স্থানীয় বিধায়ক মুজিবুৰ ৰহমানক খহনীয়া ৰোধ কৰিবলৈ কিবা এটা পদক্ষেপ গ্ৰহন কৰিবলৈ গাঁৱৰ ৰাইজে অনুৰোধ জনায়।