গোলাঘাট জিলাৰ উপায়ুক্ত ডাঃ পি উদয় প্ৰবীণে আজি আধাৰ পঞ্জীয়ন সন্দৰ্ভত উপায়ুক্তৰ কাৰ্যালয় কক্ষতে এখন বৈঠকত মিলিত হয় । তেওঁ জিলাখনত এতিয়াও পঞ্জীয়ন নোহোৱা প্ৰায় ৭০,০০০ লোকৰ পঞ্জীয়ন প্ৰক্ৰিয়া ক্ষিপ্ৰতাৰে সম্পন্ন কৰিব পৰাকৈ ব্যৱস্থা গ্ৰহণৰ নিৰ্দেশ দিয়ে । তেওঁ চাহ বাগিচা অঞ্চলত আধাৰ পঞ্জীয়নৰ বিষয়টোত বিশেষভাবে গুৰুত্ব আৰোপ কৰিবলৈ নিৰ্দেশ দিয়ে । বৈঠকত অতিৰিক্ত উপায়ুক্ত কুলদীপ হাজৰিকা, সহকাৰী আয়ুক্ত অম্লান ফুকন আৰু সংশ্লিষ্ট বিষয়া-কৰ্মচাৰীসকল উপস্থিত আছিল ।