দৰঙৰ মঙ্গলদৈ খণ্ড বন বিষয়া কাৰ্যালয়ৰ বিষয়া আৰু বনকৰ্মী সকলে এক গোপন সূত্ৰৰ পমখেদি খাৰুপেটীয়া থানাৰ অন্তৰ্গত কুঁৱৰীপুখুৰী গৱত মঙ্গলবাৰে নিশা অভিযান চলাই অবৈধ ভাৱে টাংনী নদীত খনন কৰি মাটি কঢ়িওৱা ডাম্পাৰ এটা ধৰা পেলায়। পিছত বন বিষয়াই ডাম্পাৰৰ গৰাকীৰ পৰা নথি পত্ৰ বিচৰাত বৈধ নথি পত্ৰ দেখাব নোৱাৰাত AS 28 C 7270 নম্বৰৰ ডাম্পাৰখন জব্দ কৰি মঙ্গলদৈ খণ্ড বন বিষয়া কাৰ্যালয়লৈ লৈ যায়। অবৈধ কাঠ মিল, অবৈধ ভাৱে টাংনী নদীত খনন কাৰ্যৰ বিৰুদ্ধে অভিযান চালিয়ে থাকিব বুলি মঙ্গলদৈ খণ্ড বন বিভাগে সাংবাদিকক জানিবলৈ দিয়ে।