গুৱাহাটীৰ বশিষ্ঠত ক্ৰমাৎ বৃদ্ধি চুৰি ডকাইটিৰ ঘটনা। মহানগৰীৰ বশিষ্ঠ লতাকটাৰ শান্তি নগৰত চুৰে চলালে চাফাই অভিযান। এইবাৰ বশিষ্ঠ আৰক্ষীক বুঢ়া আঙুলি দেখুৱাই আৰক্ষীৰ ঘৰতেই চুৰৰ লুট-পাত। CID ত কৰ্মৰত হিমাংশু তালুকদাৰৰ বাসগৃহৰ পৰা চুৰে লুটি নিলে ৮ লক্ষ্যধিক টকাৰ সোন ৰূপৰ আ-অলংকাৰৰ লগতে নগদ ৭৫ হাজাৰ টকাসহ এটা লেপটপ। বজাৰ কৰিবলৈ সন্ধিয়াৰ ভাগত ওলাই গৈছিল তালুকদাৰ পৰিয়ালটো। ঘৰত কোনো নথকাৰ সুযোগ লৈ গ্ৰীল কাটি চুৰে সংঘটিত কৰিলে চুৰিকাণ্ড। সম্প্ৰতি বশিষ্ঠ আৰক্ষীৰ কাষ চাপিছে ভুক্তভোগী পৰিয়ালটোৱে।