দৰং জিলা নিৰ্মাণ শ্ৰমিক ইউনিয়নৰ বাৰ্ষিক সল্মিলনৰ সামৰণিসদৌ অসম নিৰ্মাণ শ্ৰমিক ইউনিয়ন, দৰং জিলা কমিটিৰ তৃতীয় ত্ৰি-বাৰ্ষিক দেওমৰনৈ সন্মিলনখনি যোৱা ২০ আৰু ২১ আগষ্টত দুদিনীয়া কাৰ্যসূচীৰে বড়িগাওঁ মিলন সংঘ প্ৰাঙ্গণত অনুষ্ঠিত হৈ যায়৷ কাৰ্যসূচী অনুসৰি ২০ আগষ্টত পুৱা ইউনিয়ন আৰু চি,আই,টি,ইউৰ পতাকা উত্তোলন, স্মৃতি তৰ্পন আৰু গছ পুলি ৰোপণৰ পিচতে বৰ্ণাঢ়্য সাংস্কৃতিক শোভাযাত্ৰা উলিওৱা হয় ৷ সাংস্কৃতিক শোভাযাত্ৰা উদ্বোধন কৰে দেওমৰনৈ সাহিত্য সভাৰ সভাপতি দেৱেন্দ্ৰ কুমাৰ মহন্তই ৷ দিনৰ ১-০০ বজাত মুকলি সভা অনুষ্ঠিত হয়৷
দৰং জিলা নিৰ্মাণ শ্ৰমিক ইউনিয়নৰ সভাপতি হৰিচন্দ্ৰ ডেকাই সভাপতিত্ব কৰা সভাখন উদ্বোধন কৰে দৰং জিলা নিৰ্মাণ শ্ৰমিক ইউনিয়নৰ সম্পাদক তাহেৰ ইছলামে ৷ সাংবাদিক নৱজিৎ শৰ্মাই আঁতধৰা আৰু উদ্যাপন সমিতিৰ সভাপতি শশীন্দ্ৰ শৰ্মাই আদৰণি ভাষণ প্ৰদান কৰা সভাত সদৌ অসম নিৰ্মাণ শ্ৰমিক ইউনিয়নৰ সভাপতি বদন ভূঞা, সদৌ অসম নিৰ্মাণ শ্ৰমিক ইউনিয়নৰ সাধাৰণ সম্পাদক মদন তালুকদাৰ, বিশিষ্ট চিকিৎসক ডাঃ কমলেশ্বৰ নাথ আৰু চি,আই,টি,ইউ,দৰং জিলা সমিতিৰ সম্পাদক বলেন্দ্ৰ কুমাৰ নাথে অংশগ্ৰহণ কৰে ৷ সন্ধিয়া সাংস্কৃতিক অনুষ্ঠান উদ্বোধন কৰে বড়িগাওঁ মাটিয়া বুঢ়া গোসাইঘৰ পৰিচালনা সমিতিৰ সভাপতি শোভন শৰ্মাই৷
২১ আগষ্টত পুৱা ১১-০০ বজাত প্ৰতিনিধি আৰু বিষয় বাচনি সভা অনুষ্ঠিত হয়৷ দৰং জিলা নিৰ্মাণ শ্ৰমিক ইউনিয়নৰ সভাপতি হৰিচন্দ্ৰ ডেকাৰ সঞ্চালনাত অনুষ্ঠিত সভাত হৰিচন্দ্ৰ ডেকাক সভাপতি, ৰূপকান্ত বৰুৱাক কাৰ্যকৰী সভাপতি, হাচান আলি আৰু খগেন ডেকাক উপ-সভাপতি, তাহেৰ ইছলামক সম্পাদক আৰু নাৰায়ণ কলিতা, নৃপেন কুমাৰ দেৱ শৰ্মা,খগেন বনিয়াক সহকাৰী সম্পাদক হিচাপে লৈ আগন্তুক তিনিবছৰীয়া কাৰ্য়কালৰ বাবে দৰং জিলা নিৰ্মাণ শ্ৰমিক ইউনিয়নগঠন কৰা হয়। সদৌ অসম নিৰ্মাণ শ্ৰমিক ইউনিয়নৰ সভাপতি বদন ভূঞাই পৰ্যবেক্ষক হিচাপে উপস্থিত থাকে৷
