কাৰ নামেৰে হ'ব বা কি নামেৰে হ'ব অসমৰ AIIMS ? শেহতীয়াকৈ কেন্দ্ৰীয় চৰকাৰে দেশত ইতিমধ্যে সেৱা আগবঢ়াই থকা আৰু নিৰ্মীয়মান সৰ্ব ভাৰতীয় আয়ুৰ্বিজ্ঞান প্ৰতিষ্ঠানসমূহক সেই এলেকাৰ ৰিয়েল হিৰ' বা মুক্তি যুঁজাৰু বা স্মৃতি চিহ্ন  বা ভৌগলিক পৰিচয়েৰে নামকৰণ কৰাৰ সিদ্ধান্ত লৈছে বুলি হিন্দুস্তান টাইমচৰ বাতৰিত প্ৰকাশ হৈছে। সেইমতে ২৩ খন AIIMS ৰ বহু কেইখনৰ কৰ্তৃপক্ষই ৩/৪টা নামেৰে প্ৰস্তাৱ প্ৰেৰণ কৰিছে। স্বাভাৱিকতেই অসমৰ ৰাইজৰ মনত প্ৰশ্ন জাগিব- কাৰ বা কি নামেৰে হ'ব অসমৰ AIIMS ? বাছনিত উঠিব পাৰে চাংসাৰিৰ গাতে লাগি থকা শৰাইঘাটৰ নাম। আহিব পাৰে লাচিত বৰফুকন, চিলাৰায়ৰ নাম। বাছনিত আহিব পাৰে কামাখ্যা ধামৰ নামো। হয়তো কিছুদিনৰ পিছতে চৰকাৰে স্পষ্ট কৰিব এই তথ্য।