দেশৰ স্বাধীনতাৰ ৭৫ বছৰ পূৰ্ণ হোৱা উপলক্ষে ঘৰে ঘৰে ৰাষ্ট্ৰীয় পতাকা উত্তোলনৰ আহ্বান চৰকাৰৰ। সেয়ে নাগৰিকসকলক প্ৰয়োজন হ'ব পতাকাৰ। গ্ৰামীণ জীৱিকা অভিযান, জোনাক মহিলা গ্ৰাম্য সংগঠনৰ উদ্যোগত ১৭ টা আত্মসহায়ক গোটৰ যৌথ প্ৰচেষ্টাত ছিপাঝাৰৰ ৰাইজৰ সহজলভ্য হোৱাকৈ জাতীয় পতাকা উৎপাদন। ছিপাঝাৰ বাছষ্টেণ্ডত অস্থায়ী বিপনীত বিক্ৰী কৰা হৈছে। ডাঙৰ আৰু সৰু দুই আকাৰত প্ৰতিখন পতাকাতে ১৬ আৰু ৩০ টকাকৈ নিৰ্ধাৰণ কৰা হৈছে দাম।