গুৱাহাটী ৰেল ষ্টেচনত ৰেল আৰক্ষীৰ সফল অভিযান। অভিযানত জব্দ বৃহৎ পৰিমাণৰ ড্ৰাগছ আৰু বিদেশী চিগাৰেট। GRPৰ অভিযানত জব্দ হৈছে ৭০০ গ্ৰাম মৰ্ফিন আৰু বৃহৎ পৰিমাণৰ চিগাৰেটৰ পেকেট। উজনিমুৱা ৰাজধানী এক্সপ্ৰেছৰ পৰা জব্দ প্ৰায় ৬০ লাখ টকাৰ মৰ্ফিন। আৰক্ষী বিষয়া প্ৰসেনজিৎ দাসৰ নেতৃত্বত বহুকেইখন ৰেলত চলিছিল অভিযান। অতি কৌশলেৰে দুটা বেগৰ ভিতৰত সৰবৰাহ কৰি আনিছিল নিচাজাতীয় দ্ৰব্যখিনি। আনহাতে দুটা ট্ৰলী বেগৰ ভিতৰত আনিছিল বিদেশী চিগাৰেটখিনি। ৰেল আৰক্ষীয়ে গ্ৰেপ্তাৰ কৰিছে দুটা মৰ্ফিন সৰবৰাহকাৰী আৰু এটা চিগাৰেট সৰবৰাহকাৰীক।