মৰিগাঁৱৰ গেৰুৱা উচ্ছতৰ মাধ্যমিক বিদ্যালয়ে ব্যতিক্ৰম ৰূপত উদযাপন কৰিলে স্বাধীনতাৰ অমৃত মহোৎসৱ। দুবছৰকৈ কৰণা মহামাৰীৰ পাছত স্বাধীনতাৰ অমৃত মহোৎসৱৰ সমান্তৰালকৈ দুদিনীয়া কাৰ্যসূচীৰে বিদ্যালয়ত উদযাপিত হ'ল নৱাগতা আদৰণী সভা। ছাত্ৰ ছাত্ৰীৰ মাজত পাৰ ভগা উৎসাহ। গীত - নৃত্য - নাটৰ মেটমৰা অনুষ্ঠানে দুয়োটা দিন জীপাল কৰি তোলে। মৰিগাঁৱৰ জীয়ৰী তথা বৰ্তমান যুৱ প্ৰজন্মৰ মাজত জনপ্ৰিয় হৈ পৰা কণ্ঠ শিল্পী ৰিচা ভৰদ্বাজৰ মনোজ্ঞ গীতে ছাত্ৰ ছাত্ৰী আৰু দৰ্শকক আপ্লুত কৰে। শিল্পী গৰাকীক কাষতে পাই ছাত্ৰ ছাত্ৰী সকলে হেপাহ পলুৱাই কৰণা কালৰ পাছত যেন প্ৰথম বাৰৰ বাবে সমুহীয়া আনন্দৰ পাৰ ভগা উছাহত আত্মহাৰা হল।